يضل حبك بكلبي علي دين
عهد للموت ماانساك علي دين
لوما البعد لمشيلك عليدين
فداك الروح يلتسال عليه
جبل والريح شامخ ماهوينه
وبعد شخصك يغالي ماهوينه
الجفن والعين تسال ماهو وينه
فركاك شكد صعب واثر عليه
عنب خدك طلبنه سله منه
وعلى الغالي اليمك سلمنه
الكلب تدري بغيابك سال منه
دمع من دم لانك غالي عليه
وحق الله وسماه عليك وارضه
بغيرك ما اظن اختلط وارضه
عشرتي وياك عشرة خشب وارضه
تلفت حشاي من سكنت بيه
سهول الناس عندي وانته راسي
سفن غركت ابحري وانته راسي
حبيبي انته وحياتي وتاج راسي
واعز منك ترا ماكو عليه
نسيت الروح يمك وانته روحي
عجب تبخل عليه وانته روحي
تروح شلون مني وانته روحي
فداك الروح لاتزعل عليه
إيبختر ايغني بلي يبلبول بلي
ومن تندهه الوادم ايكَول بلي
ريت العمى والشلل والعوز بلي
يريدله الشين ويريدله الرديةيمن وجهك يشع للكون بالنار
نصدله ومانغض الطرف بالنار
لون حبك يدخل المحب بالنار
سعير النار يصبح فوز اليه
انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه
روحي بشوفتك ذابت ولانت
لابرغي رهم بيهه ولانت
بعد لا حاسبه التنفع ولانت
أيميلك طفه والحسره بيه
زمان الصعب ماغير طبع بيك
وتظل تنشد على احبابك طبع بيك
الكرم والطيب والغيره طبع بيك
واريد الله يحفظك دوم اليه
عنك لاتظن ندير الوجه... نجفي
ولاتظن ماي الوفه بفد يوم... نجفي
عراقي اني ووفه طبعي ...ونجفي
ويظل هذا الطبع حد المنيه
يضل حبك رسم ماننسه شكله
ولو بيدي كبل متروح جنحك اني اشكله
كبر شك اليكول تعود وشك لا
يكول الراح مايرجع اليه
يصاحب من يجيسك ضيم وصلي
واصيرن نار للعاداك واصلي
عهد وياك ما ينكطع وصلي
وعنك بس تباعدني المنيه
ضروف الدهر صارت برشلونة
وتجبرني من اشجع برشلونة
ويضل تاج الملاعب برشلونة
ويضل ميسي احبه وهاي هية
موضوع: السلام عليكم اليوم جايبلكم اشعار ابوذية جديدة 
الأربعاء أغسطس 03, 2011 7:09 pm
