اريدن قلب سمجة و عين تمساح
وابدي وياك كلشي من البداية
وأعلمنك و أشوفك شلون ارتاح
إذا قصدك وسيلة و إلها غاية
وطيحن بيك حيل وطاح ما طاح
ما كولن خطية و بس كفاية
حبيتك صدك ما جنت حيال
ولا ما خذ طبع من الحياية
غزلت عشكك بكلبي بمغزل غزال
وصفيت وياك خسران النهاية
فرهدت العمر كلي على يامال
وعلى يامال عليً كلبت الآية
آنا الليل كله وأنت الهموم
وبكلبي الحزن مزروع ثاية
رايد أفتهم ما بين ليلة و يوم
لو انت جذب كلك خفاية
بعد لا تلوم بية و تكثر اللوم
وتكلي تموت بس امشي وراية
مذبوح الورد ما بين السطور
وآه بالقلب صارت حجاية
روح اشعل شموعك و انذر نذور
بعد ما أرضى أصيرن إلك باية
شاحجيلك شاكلك وأنا معذور
إذا كتلي حرام علنهاية
بعد ما ريد حبك يشيب الراس
وعلشفته منك مو كفاية
بثوب اسود طلعت وياك للناس
وثوب حرام لبست العراية
اذا بنياني طاح العيب بالساس
يحتاج انا أذكرك بالبداية
بعد شتريد أكلك و شعلمنك
مالك غرض بية وشعلمنك
بكلبي نار كبرة وشعلمنك
وبعد ما أريد قطعي تمر عليه
موضوع: مذبوح الورد 
الخميس سبتمبر 08, 2011 11:50 pm