اجمل موسعة ابوذيات (جديد خاص )

جنست حبك داخل الروح تجنيس
وكلبي لحبك صار مبنى وزارة
وانت الوزير الي تدير الاحاسيس
وعقلي لحبك صار مكتب سفارة
ومن المستحيل يهز حبك جواسيس
ولحبك ضلوع الكلب تمسك خفارة



كلب صافي لو تدري كلبنة
وابد مايوم عالنحبهم كلبنة
احنة ضلوع الك وانت كلبنة
ونبض كلبك يرد الروح الية


متر تين

شتطلب گالي أمرني متر تين
للطوله عنب متره ومتر تين
من حسنه ردت صدگ متر تين
متر للناس كلهه ومتره اليه

حاسبنه

أعتبً يا ظنوني وحاسبنه
عليه لك صار ضدنه وحاسبه النه
أسف للموت هو حاسب النه
واحنه الما حسبناله الأذيه

ولوجاك

يقلبي التعبك همك ولو جاك
حبيبك لا سئل عنك ولا جاك
قيس الما عشق عشقك ولا جاك
العشق روز غرق تحت ال ميه

وانا بيك

العمر كله تبيني انته وانا بيك
لأن انته ولك بيه وانا بيك
لجل عيسى نبي اعمامك ونبيك
أنه مسيحي واريد اتحن عليه

وانته ملكه

القلب جندي ابغرامك وانته ملكه
لأن ملكك حبيبي وانته ملكه
يون واعرف وينينه ونته ملكه
الدخل وسطه وگعد غصبً عليه

هلك ليش

القلب من ساعة الحبك هلك ليش
احجي وياك ما تحجي ها لك ليش
اقتنعو كل هلي ابحبك هلك ليش
ما قنعو ابحبك ليش اليه

عيشه مره

مره الموت صدك عيشه مره
وعشت عمري ابهواكم عيشه مره
أذكر خير مرت عيشه مره
لكن ما بقة لحظات بيه

من يساوي

مثل سحرك يساحر من يساوي
العسل گال اعله حسنك من يساوي
سحر زائد محاسن من يساوي
حبيبي انته النتيجه الأخريه

صرتي

صرمايه صبحتي ابوسط صرتي
أنتي وبالقلب والله صرتي
واذا ما شوف شكلج حيل صرتي
تضرب عالنخاع اتشل اديه

صر صر

قلبي اعله المحبه اوياك صر صر
وحروف اسمك وسط نبضه صر صر
المثل چفك هضيمه ايشيل صر صر
لأن جفك ورد بل مزهريه

دب دب

امن اشوفك قلبي يصرخ حيل دب دب
يالخدك ابماي الورد دب دب
يحله ابجفك امن اتشيل دب دب
لأن جفك عسل بي سمسميه



ماطلتها

صحبتك ليش كصرت ماطلتهة
وانة الدنية اعلمودك ماطلتهة
جنت فرصة ثمينة او ماطلتهة
اخسرتني ليش وتريد الاذية
معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

2)قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

3)عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه

4)احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه

5)وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه

6)حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه

7)نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه

8)حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحگ علية

9)يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)

10)هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه

11)غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه

12)عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

13)ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه

14)روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

15)اخذ گلبي حلالك وانتحر بيه
اخذ دمي وشرايني وانت حر بيه
سم بالماي احطنك وانتحر بيه
ولا غيرك يمس اصبع من اديه

16)حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا

17)شوفني الفراگ نجوم ظهري
وگمت للشيبة اگلهابساع ظهري
ردتك يابني انته حزام ظهري
ترد العيلة لوصارت عليه

18)اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه

19)انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه

20)على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه