روميو
¨°•√♥صاحب الموقع♥√•°¨
عدد المساهمات : 851
نقاط : 2176
تاريخ التسجيل : 06/07/2011
 |  موضوع: موضوع جدا مهم لكل عراقي شريف وغيور  السبت سبتمبر 10, 2011 1:58 am | |
| اخواني الموضوع يدورعلى المغتربين
اكو بعض الناس يسبون العراق يسبون بغداد يسبون المحافظات
يعني يضوجون من العراق وهما عراقيين
وتجي تحجي وية يكلك اني ليش عراقي
لو الله خلقني غير العراقي جان اني هسة احسن
والثاني يجي يفكر انو يخلق لنفسة غير جنسية ويتكلم غير لغة حتى لحد
يعرفة عراقي والناس توضج من عندة
ليش هيج هاي الناس تسوي هو نو ذنبة بلدنا
لي ما نسأل احنا نفسنا بعنا وطنا بأرخص ما يمكن
ونحمل الذنب على الوطن خلي اشوية
نصفن على نفسنا شنو الي احنا كاعد نسوي
شنو اي قدمنا لبلدنا اريد اعرف ها
شنو الناس الي ترمي الوم على العراق
والله عراقنا ماكو مثلة ابد بهذا الكون
مو لان اني عراقياكول هذا الكلام بس من خلال ال شفتا
اهل العراق كلهم اهل خير ونشامة وغيرة
اهل البصرة كلهم اهل كرم وبوبهم مفتحة للخطار
واهل الانبار اهل الغيرة والحمية وهاي زيونة الي تعرفها
هي مكانة الي نكعد ناكل بي سمجنا
وهاي الاعظيمة الي معروفا بـ ابو حنيفا
وهاي المنصور الشامخة
وهاي سامرة الي طيحو المناير من عدها وطفو نورها
وهاي كربلاء تضوي بالحسن والحسين واحنا الهم حراس
وهاي الحلة وما اروعها واهناك الحمزة ابو حزامين
وهاي النجف الي بيها ابونا علي ابو الشدات
وما احجيلك على الكاظم و وكفاتة
لعد وين صرنا وين رحنا و شنو الي غرينا
احنا بعدنا عراقين احن بعدنا نحمل هوية عراقية
اني افتخر من اكول عراقي اني افتخر من اصيح بعالي صوتي
عراقي والحمدلله لان انخلقت عراقي ودوم ما راح استحي
لان اني عراقي حتى الطائفية ما تهمني
لا سنة ولا شيعة ولا اكراد ولا مسيحة
كلنا ايد وحدة توكف بوجة العدو
وكل واحد يريد يوصخ سعت العراق
منو الي جاب علينا السنة والشيعة
وخل هذا الذبح يصير بين هاي الخوان
والله حرام الي كاعد يصير بوطنا
خلونا يا شباب ويا بنات
ايد بأيد ونتحد ونوكف بوجة كل واحد يمس العراق بشي
انا نور العراق احنا جيل لعراق احنا شباب العراق
والله العراق محتاجلنة لو كل واحد منة كلمة تكفي
نفرح العراق بوكتنا وية
وهذا الكلام كلة من عندي لا منقول ولا شي لان اني
مجروح اهواية احس كلبي مكطع وصل وصل على العراق
وحبي للعراق والله ما ينوصف
وطولت عليكم اهواية بس احب اعرف رأئيكم بهاي الناس
وتحياتي لكم
| |
|
