قصيدة جرح ام ونخلة

ودت عينهه امك هاي الك وياي
وكبل عيونهه الچرغد موديته

تگلك هسه ترجع بعد مابياش
خبطني افراگكم والدمع صفيته

وظل مگوار ابوك بلايه زلمه شلون
الك ضما گبل وبروحي ضميته

وتگلك مهر ابوك يدگ حوافر غيض
وانه بشيلتي من گطع شديته

وعليه تراب ظل من ثورة العشرين
افه وانت ابن ابوك شلون خليته

ورسمت جرح نخله بطول گاع الموت
ماكلهه الملح بس هيه حاميته

على دربك تخط يوميه تعود
طاويهه الدمع والدرب طاويته

العراق بعازتك ينزف وماناسيك
عجيبه شلون ينزف وحده خليته

البيت الينهجم يعني اهله عنه بعيد
درجع لاعراقك ينهجم بيته

عجيبه شلون صابر عن حظن بغداد
ذيچ المسح بيهه الورد ناصيته

عجیبه شلون عديت الليالي السود
لا. خط الحدود شلون عديته

چنت فوگ السطح والعلم بيدك چان
هديت العلم والسگف هديته

شايف من تطيح بگاعك شمحلاك
يتلگاك ابوك بطرف خاچيته

ويزرعك بگاعه تخضر شچم شاب
چاغير الوطن ترجعله عافيته

عراقية الوطن رحت وخذتهه وياك
بس ترد أله ترجع عراقيته

دموعك صخر واحنه گلوبنه من تراب
وگلب الوالده والوطن فتيته

العلم صح نار ینزف والوطن مذبوح
قلت وادمه وكثرت توابيته

ماتقبل علمنه يشيله ياهو الچان
حط ايدك بدي ونشيل ساريته

ترى جندي الوطن بس حاني راسه الشوگ
ماتقبل وطنه اطيح بيريته

عليك الهجم خيبر من هجم عالجيش
ترجع لاعراقك ينهجم بيته
ترجع لاعراقك ينهجم بيته

» افتراضي قصيدة تخبل عن المغتربين رووعة
» قصيدة عبدالله الضيع
» قصيدة للامام الشافعي
» أرد اكتب قصيدة وكون تسمعها
» قصيدة جمعت اسماء سور القران الكريم