ممنوع الفرح عن العراقيين

[center]هذه قصيدة رائعة للشاعر الرائع ابو محمد المياحي بعنوان ((ممنوع هسه الفرح عن العراقيين)

متواعد ويا الفرح والوعد صار اسنين
لا مر علي بحلم لا شفته شوف العين
ياصوب باب الفرح دولني يامعودين
اخذلة مشية عرب سادة وربع خيرين
واعتذر من حضرته لو بدر مني شين
كالولي من ياوطن انت وسكنكم وين
كلت انا عراقي النسب واسكن بكاع حسين
وكل يوم احن للنجف والما اله جفين
وبكاعي جثير النخل وبيها جرى نخلين
انا ابن ذاك الوطن الي كصدتها المحتاجين
وبعاصمة موطني بيها زهت كبتين
اجنوبي انا وهلي للضيف متلكين
رغيف امي اسمر حلو بسمرة البصريين
وبالناصرية الي ربعة واهل طيبين
اعمارتلي انا وهلي بالغيرة معروفين
حلاوي طيب گلب ماخلاطت وجهين
بارض الرميثة صرت واشهود الي العشرين
اهل الفرات اخوتي البكرام موصوفين
لهجتي لهجت عرب لهجت الكوففين
وللساعة تنشد علي واتكلي انت منين
كالو عراقي كلت اي والحسن وحسين
كالوا اندار الفلك واصبحتوا مذممومين
واهلك الجانو كبل بالخير شبعانين
مسهم العوز وصفوا ياوسفة جوعانين
ناشدت وين الفرح كلولي متأسفين
ممنوع هسه الفرح عن العراقيين
ممنوع هسه الفرح عن العراقيين



اهديها لكل مغترب ابعدته الضروف عن بلده واهله

مع خالص تقديري

يسلمو خيو كلش حلوه

لاشكر على واجب اختي